【壽司郎居酒屋】「杉玉」登陸沙田 有咩值得一試|附上真實食評
- Novan
- 香港美食

壽司郎居酒屋「杉玉」喺沙田中心開設第二間分店,開係以前麥當勞的位置,令沙田區又多個食壽司的選擇啦!杉玉的特色在於將傳統日式料理與現代烹飪技巧結合,創造出新鮮、美味的菜式。除咗各種壽司刺身和料理,餐廳提供多款日本酒,生啤、梳打酒、梅油酒和米酒等應有盡有。
試業期間下午三點開門,我哋平日2點幾去拎飛,三點開始叫飛,等的人唔多,係叫飛有少少慢,用餐時間100分鐘。開幕限定菜式「大吞拿魚腩三貫」就已經無啦,咁仲有咩好食呢?即刻睇下!


天婦羅麵衣香脆唔厚,唔會好油膩,配有兩款鹽,應該係抹茶鹽同細鹽。

入面有蜆、蝦、魚肉、帶子、三文魚籽和紫蘇葉,其中一碗的魚肉有魚鱗,另外一碗的帶子好腥,但係蛋真係好滑好好食。



表面的係圓鰭魚魚子醬,下面有吞拿魚蓉同杉玉特製的壽司飯,魚子醬鮮中帶些少鹹味,加上吞拿魚蓉與微酸的壽司飯,口感同味道都非常和諧,值得一試。

意式櫻鯛壽司:何謂意式呢?就係蕃茄。除咗池魚偏腥之外,其他都算新鮮。


推薦!唐揚魷魚同魷魚天婦羅一樣好食,唐揚魷魚會較為重口味,適合送酒。魷魚厚身,一共有6件,炸皮香脆唔會太厚,炸漿帶有調味,味道適中不會過鹹,有跟一個酸味的汁和檸檬,不過,就咁食好似最好味。

雞肉多汁,醬汁係他他醬加上杉玉特製南蠻醬汁,因為有醬汁,所以炸皮會偏濕少少,醬汁酸酸甜甜,炸雞本身亦偏鹹,個人嚟講唔太喜歡。

壽司郎的招牌甜品,味道上當然一樣好食,分別在於杉玉的卡達拉娜會係客人面前燒表面的糖,某程度上確保咗表面會有脆焦糖同卡達拉娜本體唔會太硬。

延伸閱讀: